你地好！我個中文名叫甘永好，不過我唔鍾意人地叫我呢個中文名，因為阿好阿好，成個女仔名咁！不過冇辦法，我頭家改名好似要跟族譜咁，「家好月圓慶中秋」，我排第二，所以要叫阿好。以前有啲小學同學叫我「好姐」，真係攞膽！我鍾意人地叫我個花名多啲，我成家人都叫我做「管家仔」，因為我人如其名，鍾意管住頭家！

其實我仲有個花名，不過唔係好多人知架咋！係我同一個女仔之間既秘密暱稱，佢叫我做「撒亞人」，我叫佢做「雅典娜公主」。喂唔好笑喎，你地細個嗰時，冇同啲男朋友仔女朋友仔改花名架咩？甚麼「BB」呀、「豬豬」呀，咪仲肉麻過我？講番「雅典娜公主」，佢係我既初戀情人，呢段戀情喺我十三歲既時候開展，不過冇開花結果，因為呢個女仔既身份好複雜，佢阿媽嫁咗俾我阿爸，佢做咗我唉吔細妹，我地被人棒打鴛鴦，佢阿媽送咗佢去外國讀書。就係咁，我已經好多年冇見過佢喇…不過今日我送餅過海既時候，竟然同佢重逢！！

我記得十幾年前，我同佢好鍾意遊船河，即係不斷坐回程船，試過一日坐咗十幾轉，坐到尾班船先捨得走。以前我同佢由北角坐去黃埔，差唔多要二十分鐘，但今日撞番佢嗰程船，我覺得坐得好快，好似幾分鐘就坐完。咁多年嚟，維港不斷填海，兩岸既距離短咗，但係我同呢個女仔既距離，反而就遠咗好多…

---

FR:管家孝言

遲點po文字版的 要圖文結合啊

 

 

開天窗…の追伸